اصحاب هيرو


مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

    عندك اكتئاب بتعانى من الروتين خش خد الروشتة

    شاطر

    bent_alaslam
    عضو vip
    عضو vip

    الجنس: : انثى
    المساهمات: : 1727

    عندك اكتئاب بتعانى من الروتين خش خد الروشتة

    مُساهمة من طرف bent_alaslam في السبت 25 يوليو 2009 - 3:30

    السلام عليكم ورحمه ا


    [size=18]


    اولا
    انا لا اعترف بوجود مرض اسمه الاكتئاب عند بعض الناس الكلام ده غلط
    الاكتئاب عند كل الناس لكن بنسب متفاوتة وردود افعال متفاوتة يعنى ايه؟؟
    يعنى انت فى وقت معين بتفكر انا كنت ايه؟ واصبحت ايه؟ وهابقى ايه؟ انا كنت
    ولا حاجة واصبحت صفر عالشمال والمستقبل عايز ابقى مليونير لكن لاء مش
    هابقى كده ..... اللى قبلى عملوا ايه ولا هايعملوا ايه والحياة بقت صعبة
    وكذا وكذا وتفضل دماغك تجيب من اليمين والشمال وتطلع فى الاخر بنتيجة:
    مفيش فايدة وتنام او تخرج او تغير المود وتانى يوم الصبح تلاقى الفطار فول
    وطعمية وجرجير الخ الخ الخ يـــــــــــــاه انا فى قمة سعادتى...طبعا
    حالتك المزاجية اختلفت تماما هل الاكتئاب راح خلاص؟؟ ولا راح مؤقتا يعنى
    راح مشوار وراجع؟؟ ولا موجود لكن متخزن فى باب تانى فى المخ لا يفتح الا
    فى وقت معين ؟؟ اذا عرفت الاجابة اتصل ب 0900 خط الاكتئابات
    لو افترضنا ان الاجابة الصحيحة هى الثالثة يبقى عايزين نعرف
    ازاى مانفتحش الباب ده؟؟
    ازاى نحجم الاكتئاب كى لاينتشر فى اكثر من باب؟؟
    ازاى لو الباب اتفتح نقدر نسيطر على نفسنا ونبعد عن اى هواجس شيطانية؟؟
    كيف نجعل من الاكتئاب طاقة دافعة بدلا من ان تكون كابحة؟؟

    ازاى مانفتحش الباب ده؟؟
    اولا:تجنب النوم لما يكون مش جايلك نوم ..يعنى ايه؟؟ يعنى انا متعود انام
    الساعة 2 صباحا مثلا لكن بكرة عشان هاصحى الساعة 8 لازم انام الساعة 12 من
    الساعة 12 بتكون على السرير هل بتنام؟؟ طبعا لا لو مش مرهق يبقى من الساعة
    12 الى 2 هاتفتح الباب وممكن كمان مايتقفلش الا الساعة3 او 4
    ثانيا:تجنب العزلة لانها تفتح الباب ده
    ثالثا:دايما فكر فى حياتك لما تبقى مليونير هاتعمل ايه؟؟ مثلا شركة
    مقاولات طيب ازاى اعمل مناقصات لازم مايفوتنيش مزاد لازم اكون كويس مع
    العمال والحسابات هاتمشى ازاى وهكذا او اى مجال انت بتحبه وده هايفدك
    كتيربس اهم حاجة اهتم بالتفاصيل وطور شركتك بتفكيرك وان شاء الله ربنا
    يرزقك
    رابعا:اوعى تكون عايش حياتك كلها مع اشخاص مكتئبين يعنى لو ابراهيم حب
    وماطالش وخليل مشاريعه كلها فاشلة وتهانى اتطلقت ولايصة بالعيال ماتقعدش
    معاهم كتير يعنى خلى معظم حياتك مع الناس اللى حياتها زبادى فى الخلاط بدل
    ماتضرب انت فى الخلاط يعنى برده هاتلاقى اللى ربنا كارمه وعمل مصلحة وعدى
    واللى ربنا صلح حالها واتجوزت وعندها عربية خضار ماشاء الله وطبعا لو
    اضطريت ان تكون كل قعدتك مع المكتئبين حط فى دماغك انك ممكن تكون ظروفك
    احسن منهم ان شاء الله فى المستقبل وربنا يوفق الجميع.

    ازاى نحجم الاكتئاب كى لاينتشر فى اكثر من باب؟؟
    اعلموا ان الاكتئاب مثل السرطان والعياذ بالله ولازم تسيطر عليه قبل
    مايسيطر هو عليك ازاى الكلام ده؟ هاقولك اذكر الله اولا واعلم ان السعى
    وراء الاهداف قد يحقق الاهداف من جانب اخر يعنى ممكن تفضل شغال فى البطيخ
    طول حياتك وفجأة تكتشف ان واحد عايز يبيع شقته وانت عندك الزبون وهوب بقيت
    تاجر عقارات قد الدنيا او العكس كنت سمسار او صبى سمسار وتصبح تاجر فاكهة
    كبير وبكرش متر و35 سنتي ...يعنى دايما افتكر قول الله عز وجل((ان الله
    لايضيع اجر من احسن عملا)).

    ازاى لو الباب اتفتح نقدر نسيطر على نفسنا ونبعد عن اى هواجس شيطانية؟؟
    فيه حاجة لازم نعرفها اولا ان دايما الشيطان يسيطر على الضعفاء بس مش
    هايلاعبك رست ولو غلب هايسيطر عليك لا انا قصدى ضعيف القلب والعقيدة يعنى
    تبص تلاقى واحد بيقولك انا هاموت نفسى خلاص مش قادر وواحد تانى بيحاول
    يموت نفسه وواحدة بترمى نفسها من الشباك او تنحرف او الاتجاه لطريق
    المخدرات واشرب يامعلم عشان تنسى ....هل تعتقد ان هؤلاء اقوياء القلوب
    والعقيدة؟ هل تعتقد ان الملتزمين بتعاليم الدين عندهم اكتئاب؟ هل تعتقد
    انك لو لجأت الى الله ودعيته انه يزيل الاكتئاب هايفضل عندك اكتئاب؟ هل
    تعلم ان النبى صلى الله عليه وسلم قال:(أطب مطعمك تكن مستجاب الدعوى) مش
    معناها كل كويس دعوتك هاتستجاب لا معناها اجعل رزقك حلال تكن مستجاب الدعوى
    طب مانا عارف كل ده وبرده عندى اكتئاب.. وكمان مالى حلال ومابسرقش ولا
    تاجر مخدرات ودعوتى مش مستجابة ممكن تفهمنى؟ اقترب من ربنا وانت هاتتحسن
    مش تصلى هوب هوب وتقلب وتقولى عندى اكتئاب لازم تتأنى وتخشع وتقرأ سور غير
    السورتين اللى لسانك بيقولهم من غير ماعقلك يقولهم ولا يتدبر مابهم من
    معانى
    وموضوع مالك حلال ودعوتك مش مستجابة طبعا ده بيتهيألك لان الدعوة
    المستجابة يكون مصيرها حاجة من اتنين اما ان تتحقق او تقابل بلاء فترفعه
    يعنى بالبلدى كده ياتعمل الخير اللى انت طالبه ياتمنع شر كان نازل عليك
    وده كلام النبى صلوا عليه
    يعنى من الاخر كل ما الباب يتفتح تذكر ماعليك من العبادات وافعلها وتصدق
    لقوله تعالى((خذ من اموالهم صدقة تطهرهم وتزكيهم بها)) ونعم بالله لكن
    الفلوس اللى معايا قليلة دا انا استحق صدقة ...اعلم انه مانقص مال من صدقة
    يعنى ماتخافش ان الفلوس تنقص وطبعا الاقربون اولى بالمعروف وربنا يهدى
    الجميع

    كيف نجعل من الاكتئاب طاقة دافعة بدلا من ان تكون كابحة؟؟
    ماهى اعراض الاكتئاب؟وماهى نتائجه؟ دى اسئلة عادية لكن لما اقولك ماهى فوائد الاكتئاب؟
    اعراض الاكتئاب دايما تكون احباط وفقدان أمل ... وانتوا عارفين.. ونتايجه
    دايما العصبية والحزن والخوف من بكرة وفقدان حلاوة الاشياء يعنى لو بتاكل
    كنافة هاتحس انها محشية طرشى ...وبرده انتوا عارفين..لكن ايه فوايد
    الاكتئاب؟ اولا احب اقولكم ان الموضوع ده مش مقتبس ولا منقول يعنى كتابتى
    انا شخصيا ..واحب اعرفكم انى كنت من أشد المكتئبين فى العصور القديمة
    وكانوا طبعا بيعملوا مسابقات وكنت باشارك وكنت دايما باطلع الاول
    يــــــــــاه كانت ايام يارب ماتمروا بيها .. المهم انا دايما باحب
    الاختراعات الجديدة وخصوصا فى المشاريع يعنى فكرة جديدة او اركب مشروعين
    فى بعض ...لحد ماجيت فى يوم وانا مكتئب وقلت ليه ماحولش الاحباط الى طموح
    زى مالعربيات بتتحول من بنزين لغاز (عشان اوفر احباط) وبدأت أدرس الاكتئاب
    اللى عندى واحلله ومسكت مثلا اهم اسبابه عندى وقلت انا عندى اكتئاب بقالى
    كام سنة؟ كتير طبعا ده انا معاشره من زمان الزمان وقعدت اذكر مرات النجاح
    وطموحى وأهدافى اللى لسة ماحققتهاش من دلوقتى انا لازم اتغير وجبت كراسة
    وكتبت فيها اهدافى ونشاطاتى الحالية والمركز مالى (كام تحت الصفر)وعايز
    اقولكم حاجة مهمة جدا شوف ايه هواياتك والحاجات اللى بتحبها وتوسع جدا
    فيها ده غير هدفك وشغلك يعنى حياتك يبقى فيها شغلك او دراستك+هدفك+هوايتك
    اللى هاتبقى عملك فيما بعد واعرف حاجة انت لو اشتغلت فى ما تحب هاتكون
    افضل الناس لانك لو بتحب حاجة هاتستمتع جدا وانت بتقرأ عنها وبتبحث وكل
    ماتوصل لافاق ابعد كل ماسعادتك هاتزيد وثقتك بنفسك هاتزيد وكمان هايزيد
    تشويقك للبحث والوصول لابعد مما وصلت حتى تصل للابداع
    وهنا يكون ردى على السؤال بتاع الاكتئاب قوة دافعة لانه اصبح خلفك ولا
    يحول بينك وبين هدفك وعشان توصل المعلومة اكتر انا هاشبهه بواحد واقف بينك
    وبين مكان معين(هدفك) ولما تكون فى حالة مزاجية جيدة ساعتها بتكون بتبص فى
    ناحية تانية ولما تكتئب طبعا بتكون بتبصله بس انا باحذرك اوعى تسلم عليه
    انا بقى بقولك انت ممكن تخلى الراجل ده يقف وراك لانك اقوى منه بعقيدتك
    اولا+هدفك+هوايتك+عملك او دراستك .. ودى انا باسميها عضلاتك اللى هاتهزم
    بيها الاكتئاب وهاتنتصر عليه بس نصيحة ماتبصش وراك فى اول طريقك.. لكن بعد
    كده بص وراك على الراجل (الاكتئاب)هاتلاقيه ضئيل جدا يعنى ببساطة مش
    هاتقدر تكتئب تانى لابمزاجك ولا غصب عنك
    ودى كانت خواطرى مع الاكتئاب وكيفية القضاء عليه وطبعا الموضوع لم ينتهى انا منتظر ردودكم وتساؤلاتكم على العام والخاص ودعواتكم ليا
    بقلم :أ / أيمن البورسعيدي
    avatar
    HeRooO
    administrator
    administrator

    الجنس: : ذكر
    المساهمات: : 4029

    رد: عندك اكتئاب بتعانى من الروتين خش خد الروشتة

    مُساهمة من طرف HeRooO في السبت 25 يوليو 2009 - 3:41

    تسلمى يا بنت الاسلام
    ديمااا رائعه فى المعلومات
    وفعلا الموضوع ده جه ف وقتو معايا
    لانى مخنوووووووووووووووووق
    تسلم ايدك



    [center]قال احدهم انى احب " الشمس " فلما اشرقت بحث عن الظل ؛ وقال احدهم انى أحب " المطر" فلما نزل بحثو عن مظلاتهم ؛ وقال احدهم انى احب " الهواء " فلما اتى الهواء اغلقوا نوافذهم !! اذا لك ان تخاف عندما يقول لكم احدهم انى " احبك "
    [/center]



    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    الحااااالم
    عضو vip
    عضو vip

    الجنس: : ذكر
    المساهمات: : 2248

    رد: عندك اكتئاب بتعانى من الروتين خش خد الروشتة

    مُساهمة من طرف الحااااالم في السبت 25 يوليو 2009 - 3:49

    بنت الاسلااااااااااام
    سلمت الايادي علي معلوماتك الرائعة
    ومشكورة علي مجهوداتك ومعلوماتك
    تقبلي مروري ولكى منى ارق التحاياااااااااا
    avatar
    nagham
    عضو vip
    عضو vip

    الجنس: : انثى
    المساهمات: : 4438

    رد: عندك اكتئاب بتعانى من الروتين خش خد الروشتة

    مُساهمة من طرف nagham في الإثنين 27 يوليو 2009 - 4:32

    تسلم ايدك بنت الاسلام
    يارب دايما فى تقدم مستمر
    avatar
    ٱζـــًـًـًڵےّ ڦــڷـﭓ
    المشـــرفه العـامـــــه
    المشـــرفه العـامـــــه

    الجنس: : انثى
    المساهمات: : 5616

    رد: عندك اكتئاب بتعانى من الروتين خش خد الروشتة

    مُساهمة من طرف ٱζـــًـًـًڵےّ ڦــڷـﭓ في الخميس 30 يوليو 2009 - 14:31

    اللهة عليـــــــــــــــــــــــ كي
    بجد فوقتهاااااااااااااا
    تسلم ايدك يا بنت الاسلام
    دايما مواضيعك جميييييييييييييييله زيك
    تقبلي مروري واحتراااااامي





    [ندعوك للتسجيل في المنتدى أو التعريف بنفسك لمعاينة هذه الصورة]

    طلب منّي أن أُثبت لهُ حبّي
    عجباً
    .!!
    هل سمعتُم يوماً بِحيّ يُحاول أن يُثبت
    أنـهُ :]يَ تَ نَ فّ س ] ؟



    bent_alaslam
    عضو vip
    عضو vip

    الجنس: : انثى
    المساهمات: : 1727

    رد: عندك اكتئاب بتعانى من الروتين خش خد الروشتة

    مُساهمة من طرف bent_alaslam في الجمعة 31 يوليو 2009 - 1:26

    منوووووورين الصفحه
    avatar
    عازف الكيبورد
    المـديـر العـــام
     المـديـر العـــام

    الجنس: : ذكر
    المساهمات: : 3715

    رد: عندك اكتئاب بتعانى من الروتين خش خد الروشتة

    مُساهمة من طرف عازف الكيبورد في الجمعة 14 أغسطس 2009 - 23:20

    تسلمى بنت الاسلام




    [center][ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة][/center]

    bent_alaslam
    عضو vip
    عضو vip

    الجنس: : انثى
    المساهمات: : 1727

    رد: عندك اكتئاب بتعانى من الروتين خش خد الروشتة

    مُساهمة من طرف bent_alaslam في الجمعة 14 أغسطس 2009 - 23:27

    منور يا عازف
    avatar
    الشقية
    عضو ماسى
    عضو ماسى

    الجنس: : انثى
    المساهمات: : 1450

    رد: عندك اكتئاب بتعانى من الروتين خش خد الروشتة

    مُساهمة من طرف الشقية في الثلاثاء 18 أغسطس 2009 - 3:41

    تسلم ايدك بنت الاسلام

    bent_alaslam
    عضو vip
    عضو vip

    الجنس: : انثى
    المساهمات: : 1727

    رد: عندك اكتئاب بتعانى من الروتين خش خد الروشتة

    مُساهمة من طرف bent_alaslam في الثلاثاء 18 أغسطس 2009 - 3:45

    منوره الشقيه

      الوقت/التاريخ الآن هو الخميس 17 أغسطس 2017 - 1:32