الرئيسية
من طرف عجبي عليك يابن آدم ياكبير الدار
قلبت الدنيا على اللى قالك ياحمار
هو إسمي شتيمه والا جنسي ده عار ؟
خلقني ربي وخلقك ولا حدش له خيار
أنا مهما زاد الحمل عليا صابر على المشوار
لا في يوم أقول إشمعنى أخويا وآخد منه تار
ولا يوم أبص لرزق غيري وأطق منه وأغار
ولا أرفع عينى على جارتي وأخون الجار
ولا مهر أدفع لحمارتي ولا شبكة وشوار
ولا شقة أجمع فى ثمنها ولا أجهز دار
ولا حرمى حامل تتوحم عايزه الكافيار
ولا بنتي تخرج عن طوعي وتجيب لى العار
ولا إبني يدمن ويهلوس ويقع وينهار
عايش فى حالي ومتهنى .. وليه أحتار ؟
بآكل وبشرب وبنهق ومافيش أسرار
مش بس كده ..........
وعندي إبن آدم يخدمني ليل ويا نهار
إن جعت يشترى برسيمي بأغلى الأسعار
وفي مرضي يفضل يعالجني ويدعي الستار
خادم أمين من غير راتب ولا حتى إيجار !
ودلوقتى عرفت يابن آدم ... مين فينا الحمار ؟؟؟؟؟؟؟؟؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]
