للعكننة على واحد نايم _ - ^ - _, يعنى لو عرق الندالة عندك وجعك أو الغتاتة جه معادها

عزيزى الصاحى إذا كنت تعانى من أرق لأى سبب
و حاقد على واحد نايم أو إذا طق فيوز النذالة فجأة عندك أو عرق


الرذالة بيوجعك و قدامك واحد نايم كأى بطيخة تحترم نفسها


ماعليك إلا أن تتبع الخطوات التالية


و صدقنى ممكن يقتلك فيها




إذا كان فى عز نومه و إنت مانمتش أو مش جايلك نوم أدخل الغرفة و شغل النوووور


و إطلع بمنتهى البرود كأنك لم تفعل شئ .


إذا كان نومه خفيف هايصحى و يقولك ( إطفى النور يا حيوان ) طبعا إحنا
إتفقنا إنك بارد لذلك


لا تعره أى إهتمام و تذكر القانون الأول لنيوتن فى التنفيض


" لكل فعل له تنفيضة مساوية له فى المقدار و مضادة له فى الإتجاة " .





أما لو كان نومه تقيل يبقى تستعمل الطريقة رقم 2
2 ) إكتشف إن فى بيتكم سرير و عايز تتأكد إن كل حاجه تمام و إن السرير
رجليه مظبوطة طبعا دا السرير اللى أخينا


نايم عليه و يمكنك ساعتها القيام بالكثير من التخبيط و الدق و تحريك
السرير و لكن إنتبه فقد يصحو من النوم فيجدك تحت


السرير أو رأسك فى متناول يده فلا أحد يعلم ساعتها ماذا يمكن أن يحدث
لو كان من هواة النوم و بجوارهم مفتاح


إنجليزى .. لذلك أنصحك أن تهز السرير هزات عنيفة حتى يستيقظ و قبل أن
يفيق تماما أركض بأقصى سرعة






3) اذا كنت مقهــــــــور من واااحد ناايم العصر أو الظهر أدخل الغرفة
و غطيه كويس و إقفل المكيف و إطلع و لا تنسى أن


تغلق الأبواب و النوافذ .


و إذا كانت فيه دفاية بالغرفة , ياعينى شغلها بقى على أسخن حاجة و سيبه
و إطلع بره كأنك لا تعرف عن الأمر شئ .





لسه ما قامش ؟؟ إوعى تيأس

4 ) لو كان لسه ماقامش !!! ماتعملش حاجة من اللي سبق ذكره إنما بهدوء
حط ايدك على الراديو و شغل محطة خرباااانة


و يا
حبذا لو كانت بتاعت أغانى هابطة من نوعية ( حبيبى فوق حبيبى تحت حبيبى
رايح حبيبى جاى ) و على


الصوووت على الآخر و إمشى إنت كمل مشاهدة التليفزيون .







5) إذا كان لسه نايم و إنت شبعااان نوووم بس عايز تتونس !!!


جيب ماء باااارد و قرب من النايم و قطر على جبهته قطرة قطرة هايترعش
و يمسح جبهته فاكرها نمله و لا حاجة .


و إقعد كده لحد ما يصحى أو يقوم يرزعك قلم محترم على وشك و يكمل نوم






6 ) خذ منديل و لفها لحد ما يبقى على شكل العود ... الغرض أن يكون نهاية
طرفه حاد ..


و بس يا معلم .. أخينا راسه أصبحت ملعباً و أنت الهداف


ممكن تحطها فى ودنه ( الحركة دي مستفزة جدا و مجربة )


ممكن تحطها فى فمه


ممكن تحطها فى أنفه بس مش لجوة أوى يعنى


لو صحى يبقى إحتمال إنه يفرجك على عنبر الكسور فى أى مستشفى قريب من
بيتكم




وإذا مانجحتش كافة الطرق اللى فوق ... تأكد إنه مش آدمى . . خليه نايم
و إطلع بدل ما يجيلك شلل نصفى