محتار أبدا منيــــــــــــــــن
يابن الشاطر حسين
الناس سمعت كتير
عن رغبه ف التغيير
حريه ف التعبير
وإستعجلوا التفسير
مغزى الزياره إيه
جاي بتخطب في نـــــــــاس
خلصانه من الأساس
الفقر عليها داس
نسيت معنى الحماس
وغلبها بتداريه
زيك زي اللي فــــــــــــــــــات
وللا عندك حاجات
حتصحي أمل ومات
ويخلص زمن السكات
اللي واخدين عليه
معقول نص الكــــــــــــلام
والدعوه للسلام
والفهم للإسلام
وكأننا ف أحلام
وخيال اللي إحنا فيه
يسلام بقى لو تركــــــــز
علشان تقدر تنفذ
مهما الظروف تعجز
ولوبي اليهود يحجز
وتنسى اللي وعدت بيه
بان م العنـــــــــوان جوابك
عداه العيب خطابك
ونبيل هدف جنابك
الدور بقا دور صحابك
هيقدموا لينا ايه
يادوب حمـــــــــــــلة نظافه
وكلام يملى الصحافة
كله كدب وهيافه
ف أصول كرم الضيافه
يلقى اللي يشتريه
ولا الحكايه إيه
ولا الحكايه إيه ؟؟؟؟