أشكي لمين لما بحس
بإن قلبي بيتخنق
والقي السما طارده النجوم
والدنيا فيا بتنشنق
وأمشي أشوف فوق الوشوش
الدمعه حايره بين رموش
وف وسط نارها بتنحرق
الفجر تاه بين الضباب
ماقدرش يفتح حتي باب
وشمسه منه بتنسرق
ليه ياطيور رافضه الغنا
وأنتي اللي كان صوتك هنا
كنت زمان بتزغرتي
وبتفرحي مع فرحتي
دلوقتي لية توب الحداد
لبساه بقالك كام سنه
راقدة علي كتاف الزمن
ضامه جنحاتك م التعب
الحزن ساكن دربنا
يطلّع آهات من صدرنا
لما يشوف دم الشهيد
سابح بيروي أرضنا
عنقود ألم.......فينا استوى
ماتزيفوش طعم الحقيقة
وكفايه ليلنا اللي انجرح وبكام طريقة
علي صدر مين أرتاح انا
كل الغيوم ساكنه السما
والفرح مجهول المكان
والآه ينزفها اللسان
يافجر مشنوق الكلام
ياطفل مات فيه الإبتسام
لو كان طريقك الإنتظار
الشمس نايمه ف برجها
فين النهار........!!
بإن قلبي بيتخنق
والقي السما طارده النجوم
والدنيا فيا بتنشنق
وأمشي أشوف فوق الوشوش
الدمعه حايره بين رموش
وف وسط نارها بتنحرق
الفجر تاه بين الضباب
ماقدرش يفتح حتي باب
وشمسه منه بتنسرق
ليه ياطيور رافضه الغنا
وأنتي اللي كان صوتك هنا
كنت زمان بتزغرتي
وبتفرحي مع فرحتي
دلوقتي لية توب الحداد
لبساه بقالك كام سنه
راقدة علي كتاف الزمن
ضامه جنحاتك م التعب
الحزن ساكن دربنا
يطلّع آهات من صدرنا
لما يشوف دم الشهيد
سابح بيروي أرضنا
عنقود ألم.......فينا استوى
ماتزيفوش طعم الحقيقة
وكفايه ليلنا اللي انجرح وبكام طريقة
علي صدر مين أرتاح انا
كل الغيوم ساكنه السما
والفرح مجهول المكان
والآه ينزفها اللسان
يافجر مشنوق الكلام
ياطفل مات فيه الإبتسام
لو كان طريقك الإنتظار
الشمس نايمه ف برجها
فين النهار........!!