من طرف الحسيني75 الإثنين 28 سبتمبر 2009 - 6:27
بسم الله الرحمن الرحيم
ـ( وماتوفيقي إلا بالله )ـ
في البداية أحب أقول حاجة
أوقات بندخل في أماكن أول مرة بندخل فيها ونحس إننا دخلنا فيها من قبل
وهذا الشعور هو ماحدث لي عند إشتراكي في منتدي أصحاب هيرو
بجد وجدت أسرة واحدة مترابطة متحابه بيخاف الأخ علي أخته والأخت بتخاف علي أخوها
وده هو إللي خلاني أحب المنتدي وأعضائه وأعتبر نفسي واحد من هذه الأسرة
ده طبعا إذا قبلتوا أن أكون فرد من أفراد هذه الأسرة
ولا في حد معارض
المهم
طعبا كان لازم أقول الكلام ده في الأول لأن والحمد لله عندي مساحة عشان أقول كل الكلام براحتي وأقول إللي في قلبي
مهو أنا معايه المايك والمجال مفتوح للفضفضة معاكو 3 أيام بحالهم
ونيجي لأختنا نغم
تسلمي علي هذه الفكرة الرائعة والله بجد الموضوع أكتر من ممتاز وبحييكي علي إختيارك لان الفكرة أساسها تعريف الأعضاء بعضهم ببعض
وده في حد ذاته هو اساس المنتديات وهو للتعارف والتحاب والأخوة في الله ويارب تديمها علينا نعمة.
وحمدلله علي السلامة وعودة حميدة ودايما يارب تكوني في أتم الصحة والعافيه بحول الله وقدرته
وطبعا الكلام الحلو إللي قلتيه لو رديت عليه يبقي برده مش هوفيلك حقك بس هقول عبارة واحدة
ـ(من بعض ماعندكم)ـ
وطبعا
إخواني في المنتدي كلهم بمسي عليهم فردا فردا بنين وبنات
بس مش هذكر أسماء أخاف أنسي حد يذعل مني
فخليها عمومي والطيب أحسن ولا إيه
بس أكيد بحبكم كلكم في الله أخواني سواء بنات أو رجال
حلوة رجال أصلي قلتها في الاول بنين فصغرتكم شوية
بس أكيد رجال وأحسن الرجال
أكيد الكل يعلم أني كبير في السن شوية عنكم أو بعضكم بس ده لايمنع إني بستفيد منكم كتير وبحاول علي أد ماأقدر أفيدكم لأن كل واحد بيحاول
يكون بيته أحسن بيت وأصحاب هيره أنا بعتبره هو بيتي التاني وأعضائه جمعيا إخواتي
ويمكن لما بدخل علي المنتدي كل يوم بحس إني في بلدي الغالي مصر وبين أهلي وأصحابي وإخواتي وبنسي إني في غربة وبعيد عن أهلي وأصحابي
طولت عليكم في المقدمة بس كل كلمة قلتها كان لازم تتقال لإنها من القلب واكيد هتوصل للقلب
واتمني إني ماأكون ضيف تقيل عليكم
وأوعو تقفلو ودانكم من كلامي ومن رغيي لحسن أزعل
هههههههههههههههههههههه
أوعي تغير المحطة
فـــــــــــــــــــــــــــــــــــــــــــــاصل ونتواصــــــــــــــــــــــــــــــــــــــل
إنتظروني
الرئيسية
