الرئيسية
توتة وتوتة و100 حدوتة
وف الآخر مين الخســـــران
الناس اللى بتطفح كوتة
والا الحاشية والسلطــــــان
محبوكة الحواديت مظبوطة
ولاتعرف تمسك فتفوتة
وان فكرت هتمسك مين
ماهى حواديت أبطالها نوعين
ناس مكبوتة وشايلة الطين
وناس من ذل الناس مبسوطة
توتة وتوتة و100 حدوتة
توتة وتوتة و نعمل إيه
كله بأمر سعادة البيه
طالع ينهب نازل يسرق
بيزور ويقوللى نزيهة
مجلس مسرح ولع واحرق
نار ومحدش بيطفيهـــــــــــا
عبارة بركابها بتغرق
ومحدش ينجد ولا يلحــق
واللى هينطق امسك حلق
والتهم التفصيل تتلزق
تلقى التهمة عليه مظبوطة
توتة و توتة وتوتة وتوتة
توتة وتوتة حكاوى كتير
والاسرار مبقتش ف بير
كل الناس عارفين الفولة
شايفين الدايرة المقفولة
والحرية أكيد مكفولـــــــة
حرية رأى وتعــــــبير
من حقك تكتب من حقك
إعمل فيها أبو الرجـــــالة
انطق وأصرخ وافتح بقـك
بقصيدة أو حتى مقالــــة
واطلب قول أنا ليـــا و ليــا
باقى القصة أكيد معروف
الراجل راح يبقى وليـــــة
بعد ما كسرة عينه تشوف
اللى محدش أبدا شافــه
وهيفهم إيه أصل القصــة
يعرف ليه الناس بيخافــــو
وليه الألسن صبحت خرسا
وساعتها هيريح نفســـــه
ويروح ويدور على موتــة
توتة وتوتةوتوتة وتوتــة
إمتى هنخلص م الحدوتـه
وف الآخر مين الخســـــران
الناس اللى بتطفح كوتة
والا الحاشية والسلطــــــان
محبوكة الحواديت مظبوطة
ولاتعرف تمسك فتفوتة
وان فكرت هتمسك مين
ماهى حواديت أبطالها نوعين
ناس مكبوتة وشايلة الطين
وناس من ذل الناس مبسوطة
توتة وتوتة و100 حدوتة
توتة وتوتة و نعمل إيه
كله بأمر سعادة البيه
طالع ينهب نازل يسرق
بيزور ويقوللى نزيهة
مجلس مسرح ولع واحرق
نار ومحدش بيطفيهـــــــــــا
عبارة بركابها بتغرق
ومحدش ينجد ولا يلحــق
واللى هينطق امسك حلق
والتهم التفصيل تتلزق
تلقى التهمة عليه مظبوطة
توتة و توتة وتوتة وتوتة
توتة وتوتة حكاوى كتير
والاسرار مبقتش ف بير
كل الناس عارفين الفولة
شايفين الدايرة المقفولة
والحرية أكيد مكفولـــــــة
حرية رأى وتعــــــبير
من حقك تكتب من حقك
إعمل فيها أبو الرجـــــالة
انطق وأصرخ وافتح بقـك
بقصيدة أو حتى مقالــــة
واطلب قول أنا ليـــا و ليــا
باقى القصة أكيد معروف
الراجل راح يبقى وليـــــة
بعد ما كسرة عينه تشوف
اللى محدش أبدا شافــه
وهيفهم إيه أصل القصــة
يعرف ليه الناس بيخافــــو
وليه الألسن صبحت خرسا
وساعتها هيريح نفســـــه
ويروح ويدور على موتــة
توتة وتوتةوتوتة وتوتــة
إمتى هنخلص م الحدوتـه
